ବ୍ରିଜ ନିକଟରେ ପଡିଛି ଯୁବତୀଙ୍କ ଗଳିତ ମୃତଦେହ, ହତ୍ୟା ପରେ ଫିଙ୍ଗାଯାଇଛି
ସାନଖେମୁଣ୍ଡି :30/8/2021ପୋଲ କଡ଼ରୁ ଯୁବତୀଙ୍କ ମୃତଦେହ ଠାବ । ବର୍ତ୍ତମାନ ସୁଦ୍ଧା ଯୁବତୀଙ୍କ ପରିଚୟ ମିଳିପାରିନାହିଁ । ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ମୌଲାଭଞ୍ଜ ଘୋଡ଼ାହାଡ଼ ବ୍ରିଜ୍ ନିକଟରୁ ଠାବ ହୋଇଛି ମୃତଦେହ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଖବର ଅନୁଯାୟୀ, ସୋମବାର ଘୋଡ଼ାହାଡ଼ ବ୍ରିଜ ନିକଟରେ ଜଣେ ଅଚିହ୍ନ ଯୁବତୀଙ୍କ ଗଳିତ ମୃତଦେହ ଦେଖିଥିଲେ ସ୍ଥାନୀୟଲୋକେ । ତୁରନ୍ତ ଏନେଇ ଦିଗପହଣ୍ଡି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଛି । ତେବେ ଯୁବତୀଙ୍କ କେହି ହତ୍ୟା କରି ବ୍ରିଜ୍ ନିକଟରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ପୋଲିସ ତଦନ୍ତରୁ ପ୍ରକୃତ ଘଟଣା ସାମ୍ନାକୁ ଆସିବ ବୋଲି ସ୍ଥାନୀୟଲୋକ ଆଶା କରିଛନ୍ତି ।
ରିପୋର୍ଟ ,ଭଗବାନ ପାଢ଼ୀ
