୫ ମାସ ହେଲା ନିଖୋଜ ବିବାହିତ ମହିଳାଙ୍କ ପତ୍ତା ମିଳୁନି। ଆଶଙ୍କାରେ ପରିବାର ଲୋକ, କନ୍ୟା ପିତାଙ୍କ ପକ୍ଷରୁ ଏତଲା ପରେ ବି ଖୋଜ ଖବର ନାହିଁ।
ବାଣପୁର:-(୧୪/୦୮/୨୦୨୧)-ବାଣପୁର ଥାନା ଅନ୍ତର୍ଗତ ଭୂସ୍କାପଡା ଗ୍ରାମର ଜଣେ ମହିଳା ଦୀର୍ଘ ୫ ମାସ ହେବ ନିଖୋଜ ହେବା ଘଟଣା ଅଂଚଳରେ ଚର୍ଚ୍ଚାର ବିଷୟ ପାଲଟିଛି । ପ୍ରାପ୍ତ ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ଥାନା ଅଧୀନରେ ଥିବା ଭୂସ୍କାପଡା ଗ୍ରାମର ସୀମାଞ୍ଚଳ ବିଶ୍ବାଳଙ୍କ ଝିଅ ପୁଷ୍ପା ବିଶ୍ୱାଳ (୨୩) ଗଞ୍ଜାମ ଜିଲ୍ଲା ବେଗୁନିଆପଡା ଫାଣ୍ଡି ଅନ୍ତର୍ଗତ ଷଣ୍ଢମୂଳ ଗପଞ୍ଚାୟତର ରାହଡା ଗ୍ରାମର ସୁବାସ ବିଶୋଇଙ୍କ ପୁଅ ଅରୂପ ବିଶୋଇଙ୍କୁ ଗତ ୨୦୨୦ ମସିହା ଜୁନ ମାସରେ ବିବାହ କରିଥିଲେ। ପରେ ଗତ ୨୦୨୧ ମସିହା ମାର୍ଚ୍ଚ ମାସ ୧୦ ତାରିଖରେ ପୁଷ୍ପା ନିଜ ବାପା ଘର ଭୂସ୍କାପଡାକୁ ଯାଇଥିଲେ। କିନ୍ତୁ ୭ ଦିନ ପରେ ଅର୍ଥାତ ଗତ ୧୭/୦୩/୨୦୨୧ ରିଖ ଦିନ ରାତି ୧୦ଟା ସମୟରେ ପଡିଶାଘରକୁ ଯାଉଛି କହି ଆଉ ଫେରିନଥିଲା। ରାତି ଅଧିକ ହେବା ପରେ ପରିବାର ଲୋକ ଆତଙ୍କିତ ଅବସ୍ଥାରେ ରହିବା ସହ ବହୁ ଆଡେ ଖୋଜାଖୋଜି କରିବା ସହ ଦୁଇ ଦିନ ଧରି ବିଭିନ୍ନ କୂଅ ଓ ପୋଖରୀ ଖୋଜିଥିଲେ କିନ୍ତୁ ତାଙ୍କ ପତ୍ତା ମିଳିନଥିଲା। ପରେ ଗତ ୨୦/୦୩/୨୦୨୧ ରିଖଦିନ ବାଣପୁର ଥାନାରେ ପୁଷ୍ପ।ଙ୍କ ବାପା ସୀମାଞ୍ଚଳ ଏକ ନିଖୋଜ ଏତଲା ଦେଇଥିଲେ। ଦୀର୍ଘ ୫ ମାସ ହେବ ପୁଷ୍ପା ଙ୍କ ସନ୍ଧାନ ମିଳିନଥିବା ବେଳେ ତାଙ୍କ ସ୍ୱାମୀ ଅରୂପ ଓ ଶ୍ୱଶୁର ସୁବାସ ଆତଙ୍କିତ ଅବସ୍ଥାରେ ଅଛନ୍ତି। ସେପଟେ ବାଣପୁର ଥାନା ପୋଲିସ ପକ୍ଷରୁ ପୁଷ୍ପାର ସନ୍ଧାନ ପାଇଁ ତ୍ୱରିତ ପଦକ୍ଷେପ ନେବା ପାଇଁ ୨ ପରିବାର ପକ୍ଷରୁ ଦାବୀ କରାଯାଇଛି।
