ପୋଖରୀରେ ବୁଡି ନାବାଳକ ମୃତ
ପପୁ ସାହୁ ଙ୍କ ରିପୋର୍ଟ
ଦେଙ୍କନାଳ :ଢେଙ୍କନାଳ ଜିଲ୍ଲାର ଭୁବନ ବ୍ଲକ ଭୁଷଳ ପଞ୍ଚାୟତ ଅନ୍ତର୍ଗତ କଞ୍ଚନ ବାହାଳୀ ଦେହୁରୀ ସାହିର ଶୁକାନ୍ତି ମୁଣ୍ଡାଙ୍କ ପୁତ୍ର ରାଜେଶ ମୁଣ୍ଡା ୬ ବର୍ଷ ପୋଖରୀରେ ବୁଡି ମୃତ୍ୟୁବରଣ କରିଛନ୍ତି। ପିଲାଟି ମାଛ ଧରିବାକୁ ଯାଇଥିବା ବେଳେ ଗୋଡ ଖସିଯାଇ ପୋଖରୀରେ ବୁଡିଯାଇଥିବା ଅନୁମାନ କରାଯାଉଛି। ପରିବାର ଓ ପଡୋଶୀଙ୍କ ବହୁ ଖୋଜାଖୋଜି ପରେ ପିଲାଟିକୁ ପୋଖରୀରୁ ଉଦ୍ଧାର କରି ଭୁବନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସାଲାଗି ପ୍ରଥମେ ଭର୍ତ୍ତି କରିଥିଲେ। ଡାକ୍ତର ଆନନ୍ଦିତା ପରିଡା ରାଜେଶକୁ ମୃତ ଘୋଷଣା କରିଥିଲେ। ସୁଚନାଯୋଗ୍ୟ ଯେ ଶୁକାନ୍ତିଙ୍କ ସ୍ବାମୀ ସୁନିଆଁ ମୁଣ୍ଡା ଶ୍ରମିକ ଭାବେ ଚେନାଇରେ କାର୍ଯ୍ୟରତ।
ତେବେ ଏ ପ୍ରକାର ଦୁଃଖଦାୟକ ଘଟଣା ବିଷୟରେ ଅବଗତ ହେବା ପରେ ତୁରନ୍ତ ନଗରପାଳ ଶୁଭେନ୍ଦୁ କୁମାର ସାହୁ ଡାକ୍ତରଖାନାରେ ପହଞ୍ଚି ପୁଅକୁ ହରାଇଥିବା ପରିବାର ପ୍ରତି ସମବେଦନା ଜଣାଇବା ସହିତ ରେଡକ୍ରସ ପାଣ୍ଠିରୁ ପରିବାରକୁ ସହାୟତା ନେଇ ତହସିଲଦାର ସହିତ ଯୋଗାଯୋଗ କରିଥିଲେ । ଏଥିସହିତ ପୂର୍ବତନ ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ପହଞ୍ଚି ହରିଶ୍ଚନ୍ଦ୍ର ଯୋଜନା ଅର୍ଥ ପ୍ରଦାନ କରାଇବାରେ ସହାୟତା ପ୍ରଦାନ କରିଥିଲେ । ତେବେ ପୋଲିସ ପହଞ୍ଚି ଶବ ବ୍ୟବଛ୍ଛେଦ ପାଇଁ ପଠାଇଛି।
